البداية

السلام عليكم ورحمة الله وبركاته 
اسمي خالد مصطفى سليم ... طالب في طب أسنان المنصورة 
دي المدونة الخاصة بيا وهنشر عليها ان شاء الله شروحات لمواد طب الأسنان باللغة العربية

اختارت أبدأ بالمواد الحيوية لطب الأسنان Dental Materials

الفيديوهات فيها انيميشن ورسومات وفيديوهات كتير لتوضيح المعلومة بكل بساطة وبدون تشتيت المشاهد
وكل اللي شافو الفيديوهات اعجبتهم واصبحو متابعين ثابتين ليها
هنشر كل يوم بإذن الله فصل من الشرح
باختصار المادة عبارة عن جزئين
جزء Basic science اللي هو الاسس الفيزيائية والكيميائية والميكانيكية وطبيعة الروابط بين المواد وتصنيفها وأثر كل ده على مواد الأسنان
وجزء الApplied وهو مهم في انه بيمسك كل مادة بنستخدمها ف العيادة يوميا وبيشرحها
يعني هنتكلم فيه عن الكمبوزيت والامالغم والبورسلين وانواع السيمنت وما إلى ذلك
-الشرح ده كله من مجهودي الخالص الحمد لله ومش سارق شغل حد ..فيا ريت تدعموني ولو ب لايك وشير حتى لو الموضوع مش هيفيدك لانه ممكن يفيد غيرك من الاصدقاء عندك
-الفيديوهات تتراوح مدتها بين 10 دقائق و 30
دقيقة الا في اسثناءات بسيطة لعدم الاطالة وضمان حضور الذهن والتركيز
- طيب الفيديوهات دي هستفيد منها ازاي ؟
1- لو انا طالب لسة هدرس مادة الدنتال ماتيريالز ..هتبقى ك شرح وتبسيط للمواضيع باختلاف انت ف جامعة ايه ...العلم واحد والفروقات بين الجامعات بسيطة
 2- لو انا طالب درست الدنتال ماتيريالز لكن لسة هدرس الاستعاضة او اي مادة عملية اخرى هحتاج اراجع ع الدنتال ماتيريال
طبعا ... وبدل ما افتح الكتاب ممكن اشوف الفيديو اهو حاجة سريعة وتمشي حالي ف أي وقت
3- لو انا طبيب متخرج بيبقى وقتي مزدحم وطبعا عشان اقدر افضل ف المنافسة لازم ابقى على اطلاع دايما وطبعا عشان وقتي ضيق ف الفيديوهات دي هي الحل..
4- لو انا ربنا كرمني وبدأت احضر ماستر او دكتوراة ممكن احتاج ارجع لورقي القديم ولضيق الوقت برضه ف الفيديوهات دي Simple approach ليا وهترجعني للزمن الجميل بسهولة وسلاسة :D
ترقبو الفيديوهات اللي هتنزل كل يوم بإذن الله... السلام عليكم